香港日治時期係指第二次世界大戰果時日軍管香港嘅時期：由1941年12月25號港督楊慕琦投降起，到1945年8月15號日本投降為止。香港人俗稱呢段時期「三年零八個月」。
香港響英國殖民地統治下嘅發展因為日軍佔領而斷咗。日軍響偷襲珍珠港果日，由酒井隆指揮由深圳打落黎香港。負責守住香港嘅包括英國、加拿大、印度士兵同埋香港義勇軍。雖然港府多番宣傳英軍作戰能力，但係英國響歐洲戰場都自己顧唔掂自己，駐港軍隊始終響好冇利嘅防守位置。經過多番激戰，英軍最後冇埋最後一個的水塘，唯有揀投降啦。1941年12月25日號，港督楊慕琦代表英國殖民地官員，向當時總部響九龍半島酒店3樓嘅日軍投降。
日軍響佔領香港後即刻成立咗軍政廳，由酒井隆做最高長官，直到磯谷廉介黎到做頭一位管香港嘅日本籍總督。酒井隆管香港果陣，日軍響香港殺人唔眨眼；又響香港搞教育">皇民教育，除咗唔畀用英文">英文同埋迫人用日文外，香港嘅街道地區名稱亦都畀佢地改做日文。香港市民響經濟、民生等方面都受到摧殘，市民普遍都對日軍唔据，更加不時有平民響香港島山頭偷襲日軍將領。到咗日軍佔領嘅中期，有香港居民參與東江纵隊抗日武裝組織，響新界等地方對抗日軍。
最後響1945年8月15號，昭和天皇宣佈日本投降，第二次世界大戰完咗，英國就攞番香港嘅主權。