科學入面，能量係「造成改變嘅源動力」。能量嘅定義來自物理概念功，即力乘以距離。能量嘅國際標準單位係焦耳 (J)，即係用一牛頓 (N) 力拉郁一舊嘢一米 (m) 所需要嘅能量。
能量有好多個形態，而比較常見嘅有動能、勢能、光能、熱能、聲能、核能、電能同埋化學能。能量守恆律話：能量可以由一種形態變成另一種形態，但總能量唔會變。