外交係指一國對外同他國交往接觸。外交包括一國對外政策，派去外國嘅人員使節，以及處理國際間唔同方面合作同埋衝突。外交事務好多時都係外交官先同外國傾掂，擬定條約，最後畀國內有關機關簽署批准。
外交通常都係一國對一國，即係雙邊外交。不過因為家下好多時問題都唔係一國可以解決，所以就有幾個國家一齊傾，咁就謂之多邊外交。