公園係戶外一大塊有唔少植物嘅地，留畀人康樂之用。公園係西方引入嘅概念，英文就叫park，意思係一塊圍咗嘅地，裏面養咗啲野生動物，畀人打獵用。後尾引伸到住宅區附近有大自然嘅地，裏面有野生動物，又可以畀人行山，騎馬。後尾又引伸到市區附近或者裏面留一大塊地，特登留畀大眾來玩，亦都可以整靚個城市，呢個就係點解中文同日文譯做公園。
市區裏面嘅公園同花園係有啲似，而花園重點係放響種花種樹種植物，有時重會養埋動物。如果花園係開放畀大眾嘅話，呢個情況之下，公園亦都可以叫做花園，花園亦都可以叫做公園。
原本公園係養野生動物嘅地方，所以早期公園亦都譯做囿(讀做又)。香港九龍嘅京士柏(英文：King's Park)，以前就係譯做皇囿。