壽星仔彈咗來呢度。如果係講香港漫畫，睇壽星仔 (漫畫)啦。
壽星係一個可以畀人長壽嘅神仙，唐人拜佢係求長命百歲。民間一般將福星、祿星同壽星夾埋一齊叫福祿壽三星。因為壽星同長命有關，所以好多時就叫長命嘅老人做壽星。後尾重變成叫做生日嘅細路做壽星女、壽星仔、壽星妹。
壽星，又叫壽星公，就係南極老人，所以南極老人尊稱做叫南極老人壽德星君。南極老人又叫南極仙翁。南極老人之所以叫南極，其實係同天文有關。南極老人其實係一粒星，響天球南半近底之處，所以住響北半球唐人一睇，就好似響最南之處，所以叫南極，但唔係今日講嘅天球南極。呢粒星又有兩個名，叫南極星或者老人星。

拜祭
廣東話俗語有謂『壽星公吊頸』，即係話人『嫌命長』，話人唔知到危險，唔知死。另外重有『倒米壽星』。