起爐，又叫透爐，一個燒嘢食工序。現代人唔再鑽木取火，要令黑炭生火燒嘢食，就要起爐。
透爐要先晌爐底放塊鐵絲網，之後晌上面堆炭，加上炭精，再用打火機燒報紙，點着炭精助燃。要令炭精燒著啲炭，通常要晌爐底撥風，常見會用幾大版摺埋一叠厚報紙，葵扇甚至電風扇。燒到啲炭出煙變白見紅為之成功。成個過程叫透爐或者起爐。透爐唔簡單，好講透爐條友識唔識擺炭同炭精，以及撥風。揀濕氣太重嘅炭、放舊炭太大、叠得唔緊、撥風手法唔啱都唔使旨意起到爐。燒燒吓會唔夠炭，加炭比較簡單。由於火都嚟咗，隨便掟幾舊落去撥幾嘢就得。