島係一片全部畀水圍住嘅地。以前畀海水圍住嘅就係島，河水圍嘅叫做洲，不過一般已經相通互用。中國古代地圖有時只係寫山。唔同大細形狀嘅島可以有唔同稱呼，但唔係絕對嘅。好大嘅島叫做大陸。細嘅島叫嶼。細到大石咁嘅島叫做礁。一堆島響埋一齊叫做羣島。一串羣島又叫列島。
島有唔同種類，可以係一片大陸，可以係河流聚沙積成，可以係火山形成嘅火山島，可以係人造嘅人工島。