史
1950年代之前的觀塘乃一個幾荒蕪嘅海灣。第二次世界大戰之後部份由中國南下嘅廠家開始在觀塘設廠，於是1954年香港政府喺觀塘對出海面展開填海工程，騰出土地予廠家，並於1957年完成。填海部分(即係觀塘南部)作為工業用途，變成觀塘工業區，而工業區嘅北面則發展為住宅區，當初包括秀茂坪。最初嗰陣觀塘工業區淨係設有架空電線，1960年先至改為地底電線。
隨觀塘嘅人口越來越多，唔少公共屋邨都喺觀塘落成，包括牛頭角邨、藍田邨、秀茂坪邨等等，而秀茂坪山上更有順利邨等一眾屋邨嘅興建，稱為「四順區」。1970年代觀塘隨著工業的發展而帶來大量車流，香港政府便興建咗地鐵觀塘綫，喺1980年代通車。
踏入1990年代，隨住製造業「日落西山」，大量工廠空置，觀塘地鐵站附近一段部分改建成商業大廈或貨倉，但沿海一段則大多空置。而觀塘不少住宅大廈亦日趨老化，當中牛頭角村、藍田村、秀茂坪村等公共屋村全部重建。其他私人住宅亦都係一樣，就咁樣喺1998年年初，土地發展公司（今日嘅市區重建局）提出建議觀塘市中心重建項目，但仲未實施。到咗2005年11月，市區重建局宣佈成立觀塘分區諮詢委員會，準備落實方案。而房委會亦發表，希望喺油塘社區發展類似太古城嘅綜合式社區發展，以配合居民的生活所需。

房屋
觀塘區內只有一間附急症室設備的基督教聯合醫院提供。此外區內亦有長者健康中心、婦女健康中心、胸肺科診所、兒童體能智力測驗中心、皮膚科診療所、牙科街症服務診所、學童牙科診所、社會衞生科診所各1間；母嬰健康院與美沙酮診所各2間、及3間學生健康服務中心/健康評估中心。