同性戀係指對相同性別嘅人產生性吸引或愛慕嘅一種性取向。而有呢種性傾向嘅人，叫做同性戀者。同性戀有時候亦可以用來描述同性性行爲，即係指同性成員間發生嘅性行爲，而唔理參與者嘅性取向如何。同同性戀相對嘅有異性戀、雙性戀。
同性戀作爲人類文明嘅一個組成部分，有著悠久嘅歷史。但係直到19世紀嘅現代，呢種同性社會成員之間嘅行爲同關係先至俾認爲係一種穩定嘅性取向。1869年，Karl-Maria Kertbeny喺一份反對普魯士反雞姦法小冊子上面首先創造咗"homosexual"一詞。1886年Richard Freiherr von Krafft-Ebing開始喺佢出版嘅書《性精神病態》（Psychopathia Sexualis）入邊使用哩個詞。從Krafft-Ebing開始，同性戀開始變成一個研究同辯論嘅題目。但係有一種觀點就認爲，同性戀作爲一種現代概念，喺唔同時代有唔同嘅含義，是無辦法直接一一對應為現代嘅"同性戀"嘅。譬如古羅馬嘅"愛者"同"被愛者"嘅關係同現代嘅"同性戀"可能係唔同嘅。
同性戀曾經被病理學認爲係有得毉嘅，但現代就將它放喺生物學、心理學、政治學、基因學、歷史學同埋性行爲以及性認同嘅多元文化哩個更大範圍上來研究。

詞源學
單詞"homosexual"（同性戀）來自希臘語嘅前綴homo-（相同嘅）同埋詞根sex-（性）。最早喺出版物使用哩個單詞嘅係Karl-Maria Kertbeny。19世紀末，德意志帝國頒佈新憲法，當中嘅143條（之前為175條）規定對發生男性同性性行爲嘅人判處監禁一到四年。Karl Maria Kertbeny匿名嘅寫文章批評並抵制哩部法令，並首次創出單詞"homosexuality"，用來替代當時廣泛使用嘅帶有貶義色彩嘅"雞姦者（pederast）"一詞。之後，Richard Freiherr von Krafft-Ebing響佢1886年寫嘅一本書《性精神病態》，進一步討論同埋使用哩個單詞。而19世紀嘅精神學通過根據個人性格來分類嘅傳統，亦都使得"同性戀"哩個概念不斷嘅豐富並最終發展出"性取向"哩個概念。喺今日，西方好多語言都有從homosexual衍生出來嘅單詞。而響英文當中，由於哩個單詞homosexuality根源于精神病學，並且係非常正規嘅表達，所以好多同志都唔接受被叫做homosexuals，而更中意使用另外一個已經廣泛使用嘅單詞gay。而哩個單詞，亦係粵語指稱同性戀嘅一個詞源。
gay本身係一個隱諱語，原來嘅意思係"感觉快乐嘅"，"令人高兴嘅"。19世纪，妓女开始被戏称为gay women，与此同时社會上將個啲游手好闲嘅花花公子称为gay。20世紀初，美國嘅部分同性戀開始使用gay哩個詞作爲自己自身嘅標簽，以區別響病理同臨床上被廣泛使用嘅單詞homosexual。到咗20世紀60、70年代，美國同性戀團體強烈要求各個媒體喺報道同播放涉及同性戀消息嘅時候用gay替代homosexual。作爲回應，gay哩個單詞先至開始逐漸被媒體接受同使用。但實際上，哩個係一個好漫長嘅過程。譬如一直到1989年，美国主流媒体之一嘅《纽约时报》先至最终接受gay哩個詞。
響西方，依家一般使用lesbian來稱呼女同性戀者。哩個單詞源於古希臘嘅一個小島嘅名Lesbos（莱斯博斯岛）。哩個小島位于爱琴海中、土耳其西北部沿岸附近，多石山，係伊奥利亚人嘅一个重要居住地。公元前7世纪时，莱斯博斯岛以其抒情诗人而闻名，響哩啲诗人當中，最出名嘅係女同性恋诗人萨福（Sappho）。Lesbian本來係指居住響哩個岛上邊嘅人，但係響萨福以后，Lesbian哩個詞彙有咗新嘅注解。19世纪末，医学界开始使用lesbian来指称同萨福有同样性倾向嘅女性。从嗰陣时開始，lesbian开始包含女性同性恋嘅含义，開始被广泛噉使用。

西方辭源
響中國古代，無"同性戀"哩個稱呼，而係使用更爲隱諱嘅表達，譬如：
其他譬如"男風"（亦可寫做"南風"，因為男同性戀盛行於南方）、"走旱路"等等都係婉指男同性恋现象。
響現代中文口語入邊，經常用"同志"來稱呼同性戀者（但係喺正式場合下，哩個詞語嘅願意唔變）。另外仲有粵語從英文單詞gay吸收嘅稱謂"基"、"基佬"，但係哩個詞通常有唔好嘅意思。這啲帶有貶損意義嘅單詞仲有譬如"玻璃"、"兔子"等。喺一啲地區嘅方言入邊，仲會將男同性戀者叫做"飄飄"。另外，因爲李安嘅電影《斷背山》奪得奧斯卡後，"斷背"亦開始用來稱呼同性戀者。而隨著網絡同埋同性戀酒吧嘅出現，更多嘅中文詞彙喺同性戀社區内部出現。哩啲詞彙通常係非同性戀社區嘅人唔知道嘅。譬如喺台灣，Motss（Member Of The Same Sex）通常使用響BBS上邊。
喺女同志當中，"T"係指特質傾向於陽剛，或外貌喜歡作男性化/中性化裝扮者（"T"來自英文嘅Tomboy，但"Tomboy"的本義並無同性戀嘅意思）；"婆"指裝扮、行為、氣質陰柔嘅女同志（又稱為P）。台灣女同志文化中嘅T／P之分，相當於西方嘅Butch／Femme。"婆"哩個詞在最早是相對於T而來，指"T嘅老婆"。但近年來，婆嘅主體性已經逐漸浮現，用以泛指氣質較陰柔者。Uncle指年長嘅人；哩個詞起源於60年代，係女同志用來對長輩嘅尊稱。喺中文入邊就稱呼"哥"，例如"張哥"、"金哥"。至於"拉子"、"拉拉"或"蕾絲邊"指女同性戀者（由Lesbian諧音而來），最早出現喺台灣作家邱妙津嘅女同志小說《鱷魚手記》入邊，於1990年代開始流行於台灣。
而男同志亦有一套使用嘅名詞同埋用語。例如台灣同志文化術語裡比較普遍嘅用語係"C貨"，係由英語"Sissy"同埋"Nancy"所衍生而來，指氣質陰柔嘅男同志。Macho Queen（金剛芭比）指外貌非常陽剛，身型健壯，但隱約有陰柔特質或動作同埋唸法嘅男同志。另外，類似女同性戀者嘅"T"同"P"，台灣男同戀者一般亦分為"哥"（普通亦可稱為『葛格』）、"弟"（亦可稱為『底迪』）兩種角色。但兩者主要嘅差別並唔係女性化或男性化嘅程度，而是保護及依賴兩種概念。但一般而言，其區分係唔明顯兼且無確實定義嘅。

"断袖"：語出《漢書·佞幸傳》。汉哀帝同董贤訓覺，董贤压住咗皇帝嘅袖，皇帝唔忍心吵醒佢，断袖而起。
"龍陽"：《戰國策·魏策》入邊記載龙阳君係魏王拂枕席。
"餘桃"、"分桃"：弥子瑕同卫灵公分桃而食。 中文辭源
更多資訊，請參考：社會對同性戀嘅態度
社會對待同性戀嘅態度隨著時間同地點嘅唔同而有好大分別，從鼓勵社會中嘅所有男性成員發生同性關係到認爲同性行爲為罪惡；從喺法律上嚴厲對待同性戀者，甚至判處死刑，到給予同性戀者完全平等嘅地位。
好多國家都唔阻止成人之間自願嘅同性性行爲。有一啲地方更進一步承認同性伴侶間嘅權利等。而有啲國家或地區就會嚴厲限制這種權力，包括對發生這類行爲嘅人處以極刑，好似伊朗或尼日利亞部分地區哩啲穆斯林原教旨主義地區。

社會
更多資訊，請參考：出柜
"出柜"一詞係來自英文單詞coming out。哩個術語用來表示一位同性戀者正式向外界公開自己嘅同性戀性取向。通常來講，出柜會分爲三個階段。第一個階段就係"認識自己"，以及對同性關係嘅認同。通常哩個過程叫做"自我出柜"。第二個階段就係指同性戀者決定向其他人，譬如屋企人、朋友、同事或同學等。哩個階段最早可能係11嵗嘅時候就會發生，但亦有人到咗40嵗或之後先至會意識到。第三個階段通常係指以同志身份公開生活。喺當今嘅美國，好多人會係高中或者大學嘅時候出柜。但係喺哩個年紀，由於佢哋對其他人嘅唔信任，特別佢哋喺嘅性取向並無得到社會嘅接受，通常會連佢哋嘅父母都唔知情。

出柜
同性之間嘅愛情通過文學同藝術得以保留。喺西方文化中，男同性戀嘅印記可以追溯到藝術嘅根基，遠達古希臘文明。荷馬嘅《伊利亞特》被認爲係以表達兩個男人之間嘅愛情為主旨。帕拉圖嘅Symposium也都使讀者有哩方面嘅聯想，喺某些地方甚至表現出男同性戀間嘅愛情優越過異性戀嘅愛情。歐洲同性之間嘅戀愛傳統一直持續到米開朗基儸同埋達芬奇時代。從文藝復興開始，男女同性之間嘅愛情喺西方嘅視覺藝術當中仍然係一個常見嘅主題。
喺伊斯蘭文化中，表現同性愛情嘅作家有Abu Nuwas同Omar Khayyam。而被稱爲"世界上第一部真正嘅小説"嘅日本名作《源氏物語》亦有哩方面嘅記述。喺當代嘅日本，一種被稱爲Yaoi嘅次文化動畫主要集中描繪男同性戀者。而通常哩啲漫畫嘅作家係女性，哩一點同西方嘅情況唔一樣。
響20世紀，Neol Coward同埋David Bowie將同性愛情帶入西方流行音樂入邊。亦都係到咗哩個時候，女同性戀愛情文學先至從古希臘詩人Sappho之後嘅沉默時期，通過歌手、作曲家同埋詩人開始再度形成規模。
響1990年代，好多美國電視喜劇開始出現同志角色。1997年，Ellen DeGeneres響情景喜劇Ellen中扮演女同志出柜嘅嗰集係美國曾轟動一時，並帶來哩部喜劇片嘅最高收視率。但係之後收視率便不斷降低，並最後取消。但係好快，響1998年至2005年期間，另外一部喺NBC電視臺播出嘅《威廉同格雷斯》變成一部描寫男同性戀者日常生活最成功嘅一部情景喜劇。
戲劇作家創作咗好多膾炙人口嘅同性愛情劇，比如田納西·威廉斯嘅Cat on a Hot Tin Roof同Tony Kushner嘅Angles In America。同性戀主題也頻繁出現喺百老匯嘅音樂劇中，比如A Chorus Line同埋Rent。2005年，華人導演李安嘅斷背山獲得國際認可。而哩部電影嘅成功，被認爲係美國同志權利運動嘅一個里程碑。

藝術同文學

領養
喺美國，根據美國聯邦調查局嘅報告顯示，2004年度喺差舘備案嘅仇恨案件中，有15.6%係針對性取向方面嘅。而當中有61%嘅個案係針對男同性戀者

暴力
研究同性戀社會結構嘅研究人員調查咗唔同時期唔同社會唔同嘅同性關係以及哩啲關係嘅模式同埋區別。佢哋將哩啲社會歷史學嘅變化分爲三個唔同嘅類別：

人類學
更多資訊，請參考：性取向人口分佈
要研究同性戀響人口嘅分佈係一件困難嘅事情，因爲缺乏可信賴嘅數據：
目前一啲關於同性戀所占人口比例嘅研究根據唔同嘅估計會有唔同嘅結果，而根據著名心理學家弗洛依德嘅講法，每個人或多或少亦有同性愛嘅傾向。所以，同性戀所占嘅真正人口比例，到目前為止並無真正嘅答案；有啲鼓吹異性戀嘅人士認為哩個比例約是介乎1%到4%，但係另一位性愛專家金賽就喺《金賽報告》指出，美國有37%嘅男性曾經喺同另一位男性嘅接觸中達到不同程度嘅快感；而喺另一個研究入邊，美國國家意見調查中心報告話淨得大約0.7%嘅美國男性認為佢哋係絕對嘅同性戀者(參看注腳1)。好多喺美國同歐洲進行嘅隨機調查趨向於認為喺過去有過同性性行為經驗嘅人嘅人數占8%左右，而淨得同性性行為經驗嘅人只占2%左右。
金賽以後，大量大規模嘅跨文化調查始終顯示人群中嘅同性戀比例少於金賽所宣稱嘅，哩啲調查涵蓋了隨機抽取嘅上萬個對象。但是，注意不同嘅報告都會因為測試者嘅隱瞞而產生偏差。而不同嘅差異廣大嘅資料通常被人引用，譬如：
通常來說，反同性戀者引用嘅資料通常顯示同性戀嘅比例係1%，而由同性戀活躍分子引用嘅資料就將近10%。

關於個人感受或私人活動嘅統計通常係唔準確嘅。受訪者通常會避免做出社會、提問者或者佢哋唔中意嘅答案；
研究必須包含一尐關乎或者無關同性取向定義嘅特徵。有同性性欲望嘅人群可能比實踐哩啲欲望嘅人多，而實踐同性欲望嘅人可能比自身認定自己性取向為同志嘅人多；
響對性活動嘅調查入邊，受訪者可能對咩係"性行爲"有唔同嘅睇法；
斯密斯1991年對國家民意調查中心報告進行分析後表示到18歲，有5.9%嘅活躍男性有過男性嘅伴侶，但係"18歲以後，淨係得1%嘅人係同性戀，4+%嘅人係雙性戀"。
由Christopher Bagley同Pierre Tremblay於1998年做嘅研究表示13.5%嘅男性"報告話有一定程度嘅同性戀"包括"自己聲稱嘅重複計算嘅同性戀（5.9%）同/或雙性戀（6.1%）"
NHSLS報告表示18歲以後嘅人群中同性戀占4.9%。 人口分佈
更多資訊，請參考：動物性行為，動物同性現象證據列表
同性性行為的確喺動物王國中發現，特別係社交嘅物種。尤其係海鳥、哺乳動物、馬騮同人科。同性性行為已經喺大約1500種動物身上發現，而其中嘅500種已經良好㩒記錄咗落嚟。喬治城大學（Georgetown University）嘅教授Janet Mann特別㩒理論化咗動物同性戀現象，至少喺海豚中，同性性行為係進化嘅好處，可以最小化種內嘅侵略，尤其喺雄性中。

動物界嘅同性戀現象
更多資訊，請參考：全球同性戀法律
依家，響有啲文化入邊，同性戀仍然被視爲"非自然"同埋非法嘅。響一啲穆斯林（比如伊朗）同埋非洲國家，同性戀甚至係會被判處死刑嘅罪行。譬如最近一單被廣泛報道嘅案件，兩名青少年，Mahmoud Asgari同埋Ayaz Marhoni由於被人發現響度進行同性性行爲，而響2005年被絞死。

法律
目前全球一共有6個國家同埋美國一個州嘅政府認可同性婚姻。荷蘭響2001年首先合法化同性婚姻，成爲全球第一。依家響比利時、加拿大、南非、西班牙同埋美國嘅馬薩諸塞州亦都有得到政府承認嘅同性婚姻。以色列嘅最高法院裁定該國認可響其他國家嘅同性婚姻，但係同性婚姻響當地仍然係非法嘅。
而其他國家，包括歐盟嘅大部分國家，就立法允許民事結合。哩种關係俾咗同性戀伴侶同其他異性戀夫婦相似嘅法律權利，包括繼承同埋移民。好多斯堪的納維亞國家（丹麥、挪威、瑞典、冰島、芬蘭除咗法儸群島）都通過咗民事結合法律。而響美國，承認民事結合或者家庭伴侶關係並提供幾乎所有婚姻權利嘅州有加州（2000年）、佛蒙特州（2000年）、康涅狄格州（2005年）同埋新泽西州（2006年）。承認民事結合或者家庭伴侶關係並提供部分婚姻權利嘅州有夏威夷（1996年）、緬因州（1999年）、俄勒冈州（2007年）、華盛頓州（2007年）以及哥倫比亞特區（2001年）。

婚姻同民事結合

就業歧視指喺就業方面嘅歧視行爲，包括喺雇傭、晉升、工作分配、評比、賠償金以及各種類型騷擾等方面嘅歧視。響美國，"好少法令法規、習慣法同埋判例法將基於性取向嘅歧視認爲係非法嘅"。
住房歧視
雞姦法
仇恨罪行
性傾向歧視立法 政治

軍役

關於同性戀嘅理論