而家譯咗80%，上次編輯：2007年8月31號 19:01。
簡譜，叫做數字譜，係一隻主要用數字寫嘅樂譜。起源於法國，後尾德國人改良而成。自從1904年引入中國之後，響中國大行其道。德文叫Ziffersystem，直譯英文">英文即係cipher system或者number system，即係用數字起嘅系統。

史

系統
音符用1234567七個數字表示。呢七個等於大調嘅自然音階。如果係C大調，加埋音名，就會係咁：

音符
如果係高八度，就會響數字上面加點。如果係低八度，就會數字下面加點。響中間八度就乜都唔使加。如果再高多八度，就上面打直加兩點；再低多八度，就響下面加兩點，如此類推。就好似下面咁：

八度
通常齋數字係四分音符。下面加一間(間讀澗)，就會整短佢，每加一條就縮一半。加一間係八分音符，兩間係十六分音符，如此類推。呢個方法就似五綫譜音符會加條尾咁。綫可以連埋做一條，好似五綫譜咁。如果數字後面打橫加一間，就會加長個音，每加一條就就長一拍(四分音符)。
後面加點就係將個音加長一半。加兩點就係加長一半之餘，再加長成個音嘅一半，即係加長四分三，同五綫譜一樣。不過有個地方同五綫譜，簡譜後尾一間加多一點，只會多多一間四分音符嘅一半，唔似五綫譜會成個音加一半。

音長
休止符用0來表示。長過四分休止符，就只係每一個四分休止符多個0，唔使用後面加條橫綫。如果成個小節都係無聲。就每個四分音符一個0，好似3拍4就寫成"| 0 0 0 |"，而4拍4就寫成| 0 0 0 0 |。呢方面唔似五綫譜唔同音長有唔同休止符。

休止符
敲擊樂無音高嘅，就用X或者x寫。例如啦啦隊拍手，就寫成咁：

無音高音符
每個小節尾就加一棟做小節綫。加兩棟做雙小節綫，表示音樂到尾，有時重學五綫譜一粗一幼。而重覆同五綫譜一樣，綫前面加兩點。

小節綫
拍號就寫到好似分數(分讀份)咁：2/4, 3/4, 4/4, 6/8,等等。通常都擺響調號後面。拍號可以用音樂擺埋一行，又或者擺響上面。

拍號
調號可以用兩隻方法。可以就咁寫C調，C小調，又或者Key: C, Key: Cm。亦都可以寫明1代表邊個音，例1=C，就係C 大調。6=C就係C小調。2=D就係多利安調。
五綫譜有升降號，簡譜一樣係咁用。符號就加響1234567數字前面，等個音升或者降。而調號同和弦CDEFGAB七個字母呢，個升降號就加響佢後面。
升降號有樣嘢要留心。五綫譜上面，C小調就將B-E-A三個音降低半個音。所以我哋寫佢個和聲小調，就會放個還原號放響B♭前面。簡譜就一定寫♯5，因為5唔可降到。

變調同調號
簡譜延音綫(Tie)同圓滑綫(slur)都係同五綫譜一樣，只過係一定要放響數字上面。其他表現提示都係學五綫譜咁寫。而跳音(staccato)就要小心啲寫，因為佢同低八度嘅點好似。所以一係個點粗啲加埋寫得落啲，一係就用短跳音(staccatissimo)嘅倒轉三角細嘜。

延音綫, 圓滑綫, 同其他音樂符號
有啲簡譜將原本響下嘅綫劃咗上上面，而延音綫同圓滑綫就響上面。
有啲版本又會唔用點表示上下八度，而係畫一條長綫。數字寫響綫上中下。

使用情況
下面係兩幅圖可以比較下同一支歌，五綫譜同簡譜嘅分別：