香港管弦樂團，(Hong Kong Philharmonic Orchestra)，簡稱港樂 (HKPO)，又俾古典音樂發燒友叫 HongKongPhil，係香港主要嘅交響樂團。
香港管弦樂團，前身就係中英管弦樂團，喺1895年成立。1957年，改組成為香港管弦樂團。改組之後，首場音樂會響同年10月31日香港大學陸佑堂舉行。1959年，曾經成立中國音樂組，由張永壽作指揮，但舉行過一次公開演出就解散咗。1974年，正式開始職業化，由香港康樂及文化事務署資助，係香港最早嘅職業化西樂管弦樂團。樂團有89位成員，每年有超過100場表演。樂團每年亦演出70幾場免費交響及室樂音樂會，為咗配合音樂教育計劃，響香港好多間大學舉行巡迴舉行交響音樂會，加上示範講解。令到大、中、小學生認識音樂">古典音樂。係培育新人方面，樂團推行年度合作計劃，同香港演藝學院一齊培育專業音樂人才。
香港著名音樂家葉詠詩曾於1986年至2000年7月擔任香港管弦樂團駐團指揮。樂團現任藝術總監兼總指揮係荷蘭籍指揮艾度·迪華特，2004/05樂季上任。