第二次世界大戰（1939年－1945年）係直到而家為止，人類社會搞出來嘅最大陣象，死得最多人（粗略估計死咗8300萬人），破壞得最勁嘅全球性戰爭。
戰爭高潮嗰陣，有成61個國家同地方一齊打，有多過17億人捲入咗呢場仗。打仗雙方係以美國、蘇聯、中華民國（當時嘅簡稱係中國）、英國、法國等國組成嘅反法西斯同盟，同埋以德國、日本、意大利等法西斯國家組成嘅軸心國集團。烽煙遍及歐洲、亞洲、美洲、非洲同埋大洋洲五大洲；打仗雙方同時亦都響大西洋、太平洋、印度洋同埋北冰洋四大洋展開戰鬥。
雖則話響1939年9月前，中國嘅抗日戰爭，埃塞俄比亞嘅抗意戰爭等等嘅反法西斯嘅抵抗已經開始咗，但係一般認為戰爭係由1939年9月1日德國入侵波蘭、英法對德國宣戰開始，去到1945年8月15日（亞洲）/ 8月14日（美洲）日本向盟國投降先至完。
大戰嘅扭轉點係1941年12月7日7點55分（夏威夷時間），日本發動偷襲珍珠港嘅軍事暴行，美國太平洋艦隊40幾隻戰艦、450架飛機被摧毀，4500個美軍傷亡。之後嗰日，美國總統羅斯福晌華盛頓宣佈向日本正式宣戰，係美國正式參與大戰。無幾耐，英國、中國、澳洲、紐西蘭、加拿大等等廿幾個國家紛紛對日本宣戰，一次真正嘅「世界」大戰算係爆發喇！
大戰以諾曼第（Normandy）登陸戰最為人熟識。經過周密嘅計劃同埋充足準備，加上充分合作，將士奮勇，15.6萬人嘅盟軍晌1944年6月6日（D-Day）由諾曼第呢個缺口登陸，從此，德國陷於東西夾擊，腹背受敵嘅局面。
其實喺二戰完畢後，仍然有好多問題仲喺度，好似美蘇冷戰咁。至於日本就因為美國喺廣島同埋長崎掟原子彈搞到依家都仲受緊核幅射嘅影響。

同盟國

美國
英國
自由法國
蘇聯
中國
加拿大
紐西蘭
澳洲
印度
南非