余若薇，SC，JP（The Hon Audrey EU Yuet-mee，1953年9月11號—）香港出世，香港大學法律學士，英國倫敦大學法律碩士，香港執業資深大律師，太平紳士，同現任立法會議員。佢係香港公民黨黨魁，響香港政治圈子嘅光譜中屬泛民主派嘅一員。
根據《港大民意網站》嘅調查，余若薇響議員評分中經常名列前茅。2007年秋季，余若薇喺檢查時，發現腦部有一個3毫米嘅動脈瘤，如果血管瘤爆開可能導致中風甚至冇命。佢發現隱患之後，表示會積極面對，如常工作。

學歷
在加入政壇前，佢曾擔任大律師公會會長。響中國收番香港後，隨即爆發居港權問題；佢因當時反對人大釋法嘅堅定立場，漸為港人所認識。2000年程介南因醜聞而辭去立法會議員職務，余若薇出選港島區立法會議席補選，得到民主派一眾支持，壓倒性贏得議席，從此踏入政壇。

政途
2002年，香港政府有意為《基本法》第二十三條立法，當時佢同其他大律師公會執委會頗有淵源嘅法律界人士，包括梁家傑、吳靄儀、湯家驊、香港大學學者陳文敏、中文大學政政系教授戴大為等合組廿三條關注組。響公眾未留意廿三條諮詢文件問題，不斷向香港市民力陳《基本法》廿三條立法嘅弊端。
佢個人響議會裡，就二十三條立法嘅弊端同前保安局">保安局局長葉劉淑儀針鋒相對，名聲日盛。
由於佢同廿三條關注組嘅成員以理性、溫和而堅定嘅態度，向香港市民陳述利弊之處，不單令香港市民參與反對廿三條運動，亦令佢嘅聲望響香港七一遊行前後節節上升。

《基本法》23條關注組
2004年，港人開始關注香港基本法第四十五條及六十八條，就2007年第三屆行政長官與零八年第四屆立法會選舉方法嘅規定。余若薇同與其他數位大律師如陳文敏、張健利、梁家傑、李志喜、吳靄儀與湯家驊，律師張達明和帝理邁，同前立法局議員陸恭蕙等組成四十五條關注組，推動零七零八雙普選。因普選議題獲得大部分港人支持，加上其溫和、中產和專業嘅形象而獲得市民普遍歡迎，被譽為民主女神。
於2004年夥同前綫嘅何秀蘭喺港島區合組名單出選2004年香港立法會選舉，因民望高企響民調下一度大幅領先，而有「吸票機」及「票后」稱號。後卻因令一張泛民主派名單李柱銘與楊森嘅組別宣稱告急而流失大量選票，導致泛民主派配票失敗，最終該名單只得73,844票，余若薇成功出線，但何秀蘭則以815票之差輸畀民建聯嘅蔡素玉。
四十五條關注組成員同其他人士喺2006年3月19日組成香港公民黨，余若薇出任首任黨魁。

公職