功課，即係喺學校嘅課堂裡面，老師派俾學生攞番屋企做嘅練習，可以話係學生要喺屋企要做嘅工作。
功課嘅性質視乎學生所學嘅學科而定，有啲係屬於文字性嘅，又會有需要計算嘅功課，仲會有關於手工勞作嘅，或者實驗性嘅，不過總之凡親老師指派俾學生做嘅功課，都係會有個期限要學生完成，並且要交返去學校等老師審核評分。
喺香港，亦有人會用「做功課」嚟形容鑽研同埋資料搜集嘅行為，例如：
啲人喺賭馬或者賭波嘅時候，會喺賽前攞著一份賽馬或者足球嘅資料（俗稱「馬經」及「波經」）嚟做功課，從中研究出馬仔或者球隊嘅往績、狀態形勢，然後釐定出最大機會贏錢嘅投注策略。
作為上班一族，佢哋要完成手頭上嘅工作，可能要經過好多唔同嘅途徑嚟搜集資料，而四出搜尋資料哩個舉動亦都俾人稱之為做做功課。