airlines.yahtour.com/images/hzm_s.jpg" alt="攝氏度" align="left" style="padding:10px" />
攝氏係一個表示溫度嘅系統，而攝氏度(符號 °C)就係用來表示攝氏比例裡面嘅其中一個距離，係一個度量衡。呢個度量衡可以用來表達一個確實嘅溫度，亦都可以表示兩個溫度之間嘅距離。攝氏呢個名係取自瑞典科學家安德斯攝爾修斯(Anders Celsius, 1701-1744)嘅姓氏。攝爾修斯喺佢死之前兩年發明咗呢個度量衡。
1954年之前，攝氏零度同一百度分別定義咗做喺一個大氣壓力之下冰嘅熔點同埋水嘅沸點。呢個定義，而家嘅學校都仲教緊。不過，1954年之後，國際協定將攝氏系統重新定義。絕對零度係 −273.15 °C，水嘅三相點就係0.01 °C。呢度嘅水要指定係維也納標準海水(Vienna Standard Mean Ocean Water)。呢個定義將攝氏度同開爾文溫標呢個國際單位制基本單位直接連埋一齊，兩者嘅距離比例係一比一，每一點都相差273.15個單位。例如絕對零度，即係一個物質完全無熱能嘅情況，係 −273.15 °C同埋 0 K。